Inanna

أكثر حقيقة ماهي آخدة اعتبار على أد ماهي كليشيه ومكررة: الناس بتحب الأمل أكتر من الواقع. الأمل ببيع، بغض النظر كان كاذب أو صادق. بأدق تفاصيل حياتنا البسيطة بنتشري الأمل. على الرغم من إن الواقع بنقدر نخليه مصدر أمل حقيقي، بس لأنه بيتطلب نهدم أوهام كبيرة، الواقع مارح يقدر يستبدلها. الناس بيهمها تحس إن الواقع بسيط، كل تعاستهم جاية من مصدر واحد، كل مشاكلهم ممكن تتعالج بحل بسيط والسعادة في متناول الجميع. اللي قدر يتأقلم مع الواقع كما هو يمكن قدر يمشي لقدام أكتر. ومع هيك، خوفي إن اللي بيستوعب هالفكرة بيضطر يصير كذاب ومخادع لحتى يترك أثر، حتى لو كان جميل، وهو مو بالضرورة تصرف غير أخلاقي. واللي بيهدد الأمل؟ شرير فاجر. تناقض؟ مش مهم طالما الأمر يعمل. وإنتوا؟ كم مرة تجاهلتوا الواقع ولحقتوا الأمل لحتى تحافظوا على بريق شيء ما؟