randa

كنت اخاف بس بعد هالسنين تغيرت افكاري وتأكدت أني حاضره في قلب كل شخص له حضور وتأثير فيني مش شرط صحيح بس اقتنعت بها جزئيا لما ادعي لنفسي ولمن أحب والاشخاص يتوالون على ذاكرتي سبحان الله يعني..

فيني شعور ما عرفت اصنفه ولا احدد مصدره بس مريت على تيك توك وطلع لي موضوع صدمة الولادة قد يكون بعدها أنا نجوت مو ولدت وبكيييت من زمان ما بكيت

الصمت وقت حاجة دفاعهم الكلام عن أشياء تخصني وتخصنا كعايلة الضرب والسب والمقارنات للأسف يعني

لدائرتي القريبة وقتي تعبيري اللفظي ثم أحضاني 😎 اشتريت كتاب مع اخواتي الصغار عن لغات الحب الخمس قرأنا القصة وحاولنا نفهم وبعدها تصنيف لغات الحب حسب توقعاتنا لكل شخص بالعايلة تفاجأت لما عرفوا يميزون! بالأصح ما توقعت يقدرون يصنفون بسرعة تعبيرهم واستقبال الآخر هنا تأكدت إنهم ما عادوا صغار وهذا الجيل ذكي اللهم بارك

صحيح هذا شرعا واجب، واذا يبي الراحة تماما يختارها.. لكن الموضوع الثاني لا طبعا. للهدرجة الرجل الفاضل فاضي لهذي الأمور؟؟ ما اعتقد

ياحبيبتي تينا شكرا وعفوا.. تسلمي لي على التفاعل♥️

انظر لها بغرابه، ما يخفي اعجابي بالوجه المرتب لكن لما اعرف بحس بنفور، كافي يستحمون مرتين ويتعطرون مع كريم ويفرشوا اسنانهم🤡 الباقي لنا يا معشر الرجال

تستقر بالصلاة بوقتها وبشعور الرضا والإنجاز تستقر بتتبع المشاعر وفهمها ومجالسة أهلي رايقين ههه بالنوم والأكل الصحي والبيت النظيف وأخيرا بنتي رايقة وتناغيني🥹 الحمدلله على النعم الله يديمها ويجعلنا لها من الشاكرين

البيتزا وهذي الصورة تحديدا هي البيتزا الوحيدة اللي اكلتها لحالي ههه

لما استقلت أو بالأصح رفضت أجدد العقد. قبل يوم سألتني زميلة لأمي صحيح تركتي الدوام؟ رديت صحيح بس موضوع منتهي حسيت ردي جاف بس عادي مافي ندم أو غلط وليت أقدر أعممه مع الجميع🤥

لا ما احس تعويض انا مع فكرك ان حب الوالدين للابناء فطري لكن اللي ما يحب نفسه بيوصله بطريقة ما توصل لهم ما يسعى يفهم كيف توصل عشان يوصلها.. احس انه فيه حاجز او شيء مشوّه يمنع اللي ما يحب نفسه يوصل حبه لابنه. احكي لك مره تساءلت وعندي أبوي وبيننا بنتي قلت يبه كذا كنت تحبني؟؟ قال لي نعممم؟ زيين زين تهديد (نبرة تهديد مع خيبة أمل) ما تمالكت نفسي وبكيت صراحة.. لطالما حسيت بحب أبوي لأنه بحياتي موجود وحاضر ومستمع ومحتوي لي وداعم، ما كنت أقصد إني أنكر محبته بس مشاعري تجاه بنتي خلتني اتساءل هو كذا والدينا يحبونا؟؟

عمليين لطفاء متسامحين مشاعرهم جياشه ولهم خدود 🙈 يزعلون ويعصبون بسرعه خخ

اممم محير، أقيس السؤال علي مع امي وبيني وبين بنتي🥺 كيف الشخص يعرف إنه ما يحب نفسه وايش العلامات وكيف السبيل للتشافي اسئلة خطرت على بالي بس جوابي اللي احسه نعم يحب ابنه لكن بطريقة ما توصل الحب..💔

مرت ايام تغطية فعاليات اليوم الوطني بتوثيق ذكريات الناس المبسوطة بيومنا الوطني.. الحمدلله على التمام الحمدلله على التجربة الحلوه واللي تعلمنا منها كثير..

فكرت فيه من قبل وكلاهما مرعب. بتذكر قرأت إن الخوف نتعلمه من الأم وفعلا شربته وتقمصته بكل شي بتمنى اتشجع واقص الحلقة ما تدور وتكمل على بنتي ابوها يقول بجيب لها حيوانات واهم شي ببغاء وانا اقول يا خوفي تعرف اني اخاف وتلحقني فيه ههه💔