Osama abdelghany

اسكي العزيز ، تحية كاريوكا وبعد صعب جدا على الانسان تقبل انه فاقد السيطرة من شخص دايما بيحاول يخلى محيطه فى حيز يمكن التعامل معاه خليني اشاركك ان دا مستحيل تحقيقه بدون ما تكون شخص مختلف يتعامل مع الخساير المادية والبشرية كعارض لانجاح الفكرة . من البداية فكرة السيطرة هى ناتج انك بشكل ما متدشمل ومش ماشي على خطوط واضحة فبتبني واقع موازي انت فيه قادر تعالج الامور او تخدرها لحد ما الواقع الحقيقي يخنقك ويعرفك ان اللى بتعمله دا كنافة . لازم الشباب من سن صغير يا اسكي يا عزيز يتعلمو فين يودو غضبهم يتعلمو يستقبلو الحزن ويستقبلوه لكن فى اماكنه وميتعاملش انه قريب او صاحب مكان ..فى اوضة ضيوف. ممنوع فيها التدخين ممنوع قفل النور ولازم لازم لازم لازم لازم تخليه يتوضى خمس مرات لخمس صلوات لو عاوزه يمشي .. او يكون هادي . لازم الطاقة عامة يكون لها مكان بتروحه كونها لا تفني فلا م هتنفجر فى مكان ما وكل مرة بتنفجر من حته .. ويا عزيزي الاسك بعض الانفجارات لا يمكن مداوتها بالكوميديا السودا او الترقيع

):(

..

أَرَبّاً واحِداً أَمْ أَلْفَ رَبِّ أَدِينُ إِذا تُقُسِّمَتِ الْأُمُورُ عَزَلْتُ اللَّاتَ وَالْعُزَّى جَمِيعاً كَذَلِكَ يَفْعَلُ الْجَلْدُ الصَّبُورُ فَلا الْعُزَّى أَدِينُ وَلا ابْنَتَيْها وَلا صَنَمَيْ بَنِي عَمْرٍو أَزُورُ وَلا هُبَلاً أَدِينُ وَكانَ رَبّاً لَنا فِي الدَّهْرِ إِذْ حِلْمِي يَسِيرُ عَجِبْتُ وَفِي اللَّيالِي مُعْجِباتٌ وَفِي الْأَيَّامِ يَعْرِفُها الْبَصِيرُ بِأَنَّ اللهَ قَدْ أَفْنَى رِجالاً كَثِيراً كانَ شَأْنَهُمُ الْفُجُورُ وَأَبْقَى آخَرِينَ بِبَرِّ قَوْمٍ فَيَرْبِلُ مِنْهُمُ الطِّفْلُ الصَّغِيرُ وَبَيْنا الْمَرْءُ يَعْثُرُ ثابَ يَوْماً كَما يَتَرَوَّحُ الْغُصْنُ الْمَطِيرُ وَلَكِنْ أَعْبُدُ الرَّحْمَن رَبِّي لِيَغْفِرَ ذَنْبِيَ الرَّبُّ الْغَفُورُ فَتَقْوى اللهِ رَبِّكُمُ احْفَظُوها مَتَى ما تَحْفَظُوها لا تَبُورُوا تَرى الْأَبْرارَ دارُهُمُ جِنانٌ وَلِلْكُفَّارِ حامِيَةٌ سَعِيرُ وَخِزْيٌ فِي الْحَياةِ وَإِنْ يَمُوتُوا يُلاقُوا ما تَضِيقُ بِهِ الصُّدُور

كتبت مشاركة كبيرة لكن من بعيد سمعتني بدندن. بتغنى لمين ولمين يا حمام.. الصوت مش حلو والفكرة مش حلوة واللى كنت كاتبه مش حلو بس الاغنية دى حلوة

انا سئ فى التعبير والرسم واستقبال الأصدقاء ومفارقة من أحب . سئ فى محاورة الموتى والدعاء لهم وسئ فى محاورة نفسي والدعاء لنفسي "ربما لنفس السبب؟ من يدري" . سئ فى اتباع تعاليم الأطباء والالتزام بالوصفات الطبية . سئ فى اتباع تعليمات السلامة كلتا يداى دوما بهم جروح ولا ارتدي الخوزة كما ينبغي واتحين الفرص لنزع حذاء السيفتي من قدمي.. . سئ فى اللتزام بقوانين الجماعة انا دوما امشي وحيدا ليس لأني لا احب الجماعات لكن لأني لم أجد.قط جماعة تشبهني ولم اطمئن يوما الى احد كفاية لأتبعه دون ان افكر الى اين ؟ ولماذا ؟ . سئ فى التعبير عن حبي لم اخبر ابي قط اني احبه ومضي على وفاته ما يقارب ثمان اعوام لم اذهب الى قبرة مرة واحدة واتفادي السير مع الجنازة ارى احبابي مكانهم واراني عاجز عن استردادهم او مبادلتي مكانهم! . يتبع

لماذا هم؟ لماذا ليس انا؟ فقدي ليس بتلك الصعوبة كفقدهم اراني هناك اسير فى جنازتي ولست حزينا مثل فقدي لهم لو كان الأمر بيدي لبادلتني بهم فى كل مرة اسير فى جنازتي انا مئات المرات افضل من مجرد التفكير ان عزيز هناك او بعيد واناعاجز ان اضمه ضمه اسمع خلالها صوت جميع فقراته بين يدي! . انا سئ فى التعامل مع الموت الفقد الخسارات الكبيرة ووجود الخضار المحشي فى السلطة. جميعها امور اكرهها ولا املك السلطة على تغييرها . حسنا السلطة على التغيير ..انا سئ جدا عندما يتعلق الأمر بي اذهب الى الجحبم من اجل غيري ولا اذهب الى سوبر ماركت من اجل نفسي القيت نفسي فى الجحيم لأجل اصدقاء لكن لم احرك ساكن فى كل مرة لأجل نفسي..القييت نفسي فى الجحيم لاجل غرباء..احيانا افكر ان الغرض من الالقاء لم يكن مساعدتهم بقدر ما كان انتقاما من شئ ما داخليظ اتساؤل دوما هل تمطر؟ ولا اراني ازرع بذرة او احضر مظلة ربما انا لست ذكيا كما اعتقدت لفتؤة طويلة وها انا ذا اتعرف على نفسي من جديد..او ربما محاولة ردم جديدة

بتغنى لمين ولمين يا حمام ؟

Black knight..the knight who served the queen and couldnt defend the throne then got drunk and lost for long , lucky him he find his way back . . Always been one of my fav, i wish i could told him that cause those like him this things makes differance for them

نص عايش نص ميت ، قام مموت اللى عاش

بتقول الجميلة ضي رحمى يا اسك فى بدايات رسايلها دايما ، عزيزي تعلم ان حديث بيننا لا ينقطع .. فى تخيلى للعودات زى كدا يا اسك بيكون في مكان ممهد تقدر تستضيف فيه صديق لكن خلينا نتمشى بعيد عن هنا ونروح هناك .. هناك يا اسك لو مس فاكر ..هو كل مكان مش هنا .. سمعت اغنية للشيخ امام حلوة اوي يا اسك النهاردة تطوت بيني وبينه علاقة جميلة مؤخرا بالمناسبة قال ايه بقا؟ قالك ابوك السقا مات من شرب المياه طين ! والجملة يا اسكي العزيز اصابتني فى مقتل الحقيقة ..حزنت للسقا ودعيتله ان اي مرة سقا فيها مع معاناته مع شرب المياه بالطين تكون شفيعة ليه ..فى سحابه تظله او غيره . بفكر يا اسك المرة دي اعمل اكونت مش باسمي ولا اى حاجة معروفة عني..اعمله يكون حقيقي اكتر ..فيه تظاهر اقل بالمثالية.. مشاركات اكتر من هناك .. وشوية شتايم ان لزم الأمر او ملزمش . على هامش كل حاجة يا اسك سواء كنت اسكي العزيز او لم تكن الا انك محتاج تاخد شريطين بنادول لأني هصدعك ..ويا حظك بصداعي.

اسئلة اسك زمان لو املك القدرة اقفل قنوات التفكير شبه كدا جوايا هقفلها كل قنوات التفكير عامة تتقفل ويعيش الانسان موظف الصبح فى الشغل وبالليل قاعد بالحمالات بياكل بطيخ يتفرج على مدحت وشوبير والشلة الكريمة ينم شويه عالخلق ويشتم شويه ويتقلب ينام شبه تريلا محملة زلط

مؤخرا بترن فى ودني "اذا فليمت قيصر" . وان كان لو قيصر تف على بروتس كانت عتكون نهاية اعظم يعنى كان هيموت مفيش فى صدره حاجة "ضحكة طويلة وعاليه انما" لكن يعنى انا عندى تصور للقصة دى وغيرها. او اسقاط يعنى انه قيصر وبروتس والحضور والمملكة وكل حاجة كانو شخص واحد وان اذا فليمت قيصر. هو اعلان وفاة فرد منها قد يكون اهمهم ..كلهم. ... او لا احد رغم النهاية الدرامية دى. اذا فليمت قيصر "تخيل انه قالها وبعدها خد قطمة من حاجة تعمل صوت زى خيارة او جزرة دا تخيل ساخر عظيم.. تحيا الكوميديا السودة والله

بارات ارضي حديد..كله حديد مطلى نحاس ارض صخرية الدايرة مفتوحة من كل حته سلملى عالتفريغ كل حاجة عاوزه حاجة الاسك اللى متغيرش والا انا اللى لسه مفيش فايده فيا وطريقة تفكيري! الانسان محتاج ينام :D

الليل وهواه ونجومه وقمره و خد ياض روح ياض ..خلاص خد ياض روح تانى ياض خد ياض